PDA

View Full Version : မာလာဟင်း



ချစ်ပူတူး
08-01-2009, 08:09 PM
သူငယ်ချင်းwaiwar အတွက်မာလာဟင်း
ဒီပုံမှာ ယူစားနော်...
http://3.bp.blogspot.com/_74oDYRAYtjQ/SMOuBPbp7fI/AAAAAAAAA8Y/keIKEZ0Ppqs/s200/marlarcurry.jpg
မာလာဟင်း
မာလာဟင်းအတွက်ပါဝင်တဲ့အသီးအရွက်အမယ်တွေကတော့
မုန်ညင်းဖြူ၊
ကိုက်လန်၊
ကန်စွန်းရွက်၊
ကြာစွယ်၊
ပဲပင်ပေါက်၊
မုန်လာဥနီ၊
အာလူး၊
ကြက်သွန်မြိတ် (မကြိုက်ရင်မထည့်လည်းရပါတယ်)
ပန်းမုန်လာထုပ် (ဘရိုကိုလီဆိုရင် ပိုကောင်းပါတယ်)တို့ပါနော်။
(ခ) အခြားလိုအပ်တာတွေကတော့
ပဲပြားခြောက်ခေါက်ဆွဲအမျှင်
ပဲပြားခြောက်အလိပ်
ဝဥခေါက်ဆွဲအကြည် (အညိုရောင်၊ အစိမ်းဖျော့ရောင်ရှိပါတယ်။ ကြိုက်တာသုံးပါ)
ကျောက်ပွင့် အဖြူ (ရေခဲမှိုလို့လည်း ခေါ်ကြပါတယ်)
ကြွက်နားရွက်မှို
ခတ္တာပန်းခြောက် (မကြိုက်တတ်ရင် မထည့်ပါနဲ့) တို့ပါနော်။
(ဂ) ဟင်းအနှစ်အတွက် လိုအပ်တဲ့ပစ္စည်းတွေကတော့ (၅) ဦးစာအတွက် ပြင်ဆင်ခြင်း
ကြက်သား အသားကောင်းကောင်း (၂၅) ကျပ်သား
ပဲပြား (၂) တုံး
ငရုတ်သီးခွဲကြမ်းမှုန့်(ငါးကျပ်သား)
မြေပဲ (ငါးကျပ်သား)
နှမ်း (နှစ်ကျပ်ခွဲသား)
ကြက်သွန်ဖြူ (ဥတစ်လုံးမျိုး ၁၀ ဥ)
ကြက်သွန်နီ (အရွယ်တော်အလုံး ၃ လုံး)
ချင်း
ဆား
သကြား
အချိုမှုန့်
ကော်မှုန့် (မကြိုက်ရင် မသုံးပါနဲ့နော်)
ခနောကြက်သားမှုန့်
နနွင်းမှုန့်
ဆီ (ပဲဆီ ၁၅ ကျပ်သား+ နှမ်းဆီမွှေး လက်ဘက်ရည်အကြမ်းပန်းကန်လုံးတစ်လုံး)
ရယ်ဒီမိတ်မာလာဟင်းအနှစ်ထုပ် (၁) ထုပ်တို့ပါနော်။

ခေါက်ဆွဲကို ရေစိမ်ပါတယ်။ရေစိမ်ရမယ့် အခြောက်အခြမ်းတွေဖြစ်တဲ့ ကျောက်ပွင့်အဖြူ၊ ကြွက်နားရွက်မှို၊ ပန်းခြောက်၊ ပဲပြားခြောက်ခေါက်ဆွဲနဲ့ ပဲပြားလိပ်တို့ကိုအဆင့်သင့်ပြင်ထားပါတယ်။
ပြီးတော့မှ ခေါက်ဆွဲတွေကို ဆယ်ယူထားပြီး တခြားအခြောက်အခြမ်းတွေကို တစ်မျိုးစီကို ဇလုံတစ်လုံးစီမှာထည့်ပြီး ရေနဲ့တစ်ရည် ဆေးပြီးတော့ ရေနွေးကြက်သီးနွေးနဲ့ စိမ်ပါတယ်။ ပန်းခြောက်က အပွလွယ်တာမို့ ပန်းခြောက်ပွလာတာနဲ့ တပြိုင်နက် ရေထပ်ဆေး၊ ပန်းခြောက်ထဲက ၀တ်ဆံတိုင်တွေကို ဖယ်ရှားပြီးပြီး ပန်းခြောက်တွေကို ထုံးချည်လိုက်ပါတယ်။ ကြွက်နားရွက်မှိုခြောက်၊ ကျောက်ပွင့်တို့ကို တစ်ကိုက်စာအရွယ်တော်လေးတွေ ဖြစ်အောင် ညှပ်ထားပါတယ်။ ပဲပြားလိပ်နဲ့ ပဲပြားခြောက်ခေါက်ဆွဲကလည်း ရေစိမ်တာနဲ့ ပွလာတာမို့ ပြီးတာနဲ့ ရေသွန်ပြီး ပဲပြားခေါက်ဆွဲဖတ်လေးတွေကို ခြောက်လက်မအရှည်လောက်ရအောင် ကပ်ကြေးနဲ့ ညှပ်ပါတယ်။ မုန်ညင်း၊ ကန်စွန်း၊ ကိုက်လန်စတာတွေကို ရေစင်အောင်ဆေး၊ သုံးလက်မအရွယ်လေးတွေဖြစ်အောင် ဖြတ်တောက်ပြီး ရေစိမ်ထားပေးပါတယ်။ မုန်လာဥနီနဲ့ အာလူးကို အခွံနွှာ၊ ရေဆေးပြီး အတွန့်လေးတွေရအောင် ကျောက်ကျောလှီးတဲ့ဓားလေးနဲ့ အရှည်လိုက်ရော အ၀ိုင်းလေးပါရအောင် လှီးပါတယ်။
ကြက်သားတွေကို ရေစင်အောင်ဆေး၊ အရေခွံနွှာပြီး တောက်တောက်စင်းပါတယ်။ ပြီးတော့မှ ထောင်းထားတဲ့ ချင်း၊ ကြက်သွန်ဖြူရယ်၊ ဆား၊ သကြား၊ အချိုမှုန့်တို့နဲ့ ရောနယ်ပြီး နှပ်ထားပါတယ်။ ကြက်သွန်နီဥတွေကိုလည်း အခွံနွှာရေဆေးပြီး နုပ်နုပ်စင်းထားပါတယ်။ ပဲပြားကိုလေး သေးသေးလေးတွေဖြစ်အောင် နုပ်နုပ်စင်းပြီးဆား၊ သကြားနဲ့ နယ်ပေးထားပါမယ်။့မြေပဲကို ကြိတ်စက်ထဲထည့်ပြီး ကြိတ်ပါတယ်။ နှမ်းကို သန့်စင်ပေးပါတယ်။ ငရုတ်သီးအကြမ်းမှုန့်ကိုလည်း တစ်ခါကြိတ်လိုက်ပါတယ်။ ပြီးတော့မှ ပန်းကန်လုံးတစ်ခုစီထဲ ထည့်ပေးထားပါတယ်။
အားလုံးပြင်ဆင်နေတဲ့အချိန်မှာ အိုးခပ်ကြီးကြီးတစ်လုံးကို ယူ၊ ရေတစ်ဝက်လောက်ထည့်ပြီး မီးအားကောင်းကောင်းနဲ့ ရေနွေးတည်ဖို့ မီးဖိုပေါ်တင်ပါတယ်။ ရေနွေးပွက်ပွက်ဆူလာတဲ့အခါကျရင် ခေါက်ဆွဲဖတ်တွေကို ထည့်ပြီး အဖုံးအုပ်ထားပါတယ်။ ခေါက်ဆွဲဖတ်တွေ ပွက်ပွက်ဆူလာတဲ့အခါ အပေါ်အောက် နှံ့အောင် မွှေ၊ အဖုံးအုပ်ပေးပြီး နောက်ထပ် ငါးမိနစ်လောက်ထပ်တည်ပေးပါ။ နောက်တစ်ခေါက် ထပ်ပြီး ဆူလာတဲ့အခါ ခေါက်ဆွဲ အိ၊ မအိမြည်းကြည့်ပါ။ ခေါက်ဆွဲအိပြီဆိုရင်တော့ ခေါက်ဆွဲဖတ်တွေကို ဆယ်ယူပြီး အဲ့ဒီကျန်တဲ့ ရေနွေးထဲမှာပဲ ကျောက်ပွင့်၊ မှိုခြောက်၊ ပန်းခြောက်၊ ပဲပြားလိပ်တို့ကို ထည့်ပြီး ဆူအောင်တည်လိုက်ပါတယ်။ အဲ့ဒီအချိန်မှာ ခုနက ခေါက်ဆွဲဖတ်တွေကို ရေအေးနဲ့ဆေးပြီး စကာနဲ့ စစ်ပေးထားပါ။ ပြုတ်အိုးဆူရင်တော့ အထဲက အဖတ်တွေကို ဇကာနဲ့ ဆယ်ယူပြီး အအေးခံထားပေးပါ။
ဒုတိယအနေနဲ့ ဟင်းအနှစ်ပြင်ဆင်ပါ့မယ်။ မီးဖိုပေါ် ဒယ်အိုးတင်၊ ဆီထည့်၊ ဆီပူလာတဲ့အခါ နနွင်းမှုန့်လေး နည်းနည်းခပ်လိုက်ပြီးတော့ နုပ်နုပ်စင်းထားတဲ့ ကြက်သွန်နီကို အရင်ထည့်ပါတယ်။ ကြက်သွန်နွမ်းတာနဲ့ နုပ်နုပ်စင်းထားတဲ့ ကြက်သားတွေနဲ့ ပဲပြားတွေကိုထည့်ပြီး သမအောင်မွှေပါတယ်။ ၃ မိနစ်လောက် ကြာရင် ကြိတ်ထားတဲ့ မြေပဲတွေကိုပါထည့်ပြီး အားလုံးသမအောင်မွှေပြီး ကြော်ပေးပါတယ်။ ဆီများတဲ့အတွက် ကြော်ရတာအဆင်ပြေပါတယ်။ ကျက်ခါနီးရင် မွှေရတာ ပိုပြီး သွက်လာသလို အရောင်ကလည်း တဖြည်းဖြည်းရွှေအိုရောင်ဘက်ကို ပြောင်းလာပါတယ်။ အဲ့ဒီအချိန်မှာ ကြိတ်ထားတဲ့ ငရုတ်သီးမှုန့်တွေကိုပါ ထည့်ပြီး ကြော်ပေးပါ။ (တချို့က ငရုတ်သီးကို ဒီအချိန်မှ ထည့်ရင် ကျက်ပါ့မလား၊ အစောကြီးကတည်းက ဘာလို့မထည့်တာလဲလို့ မေးနိုင်ပါတယ်။ အစောကြီးကတည်းက ထည့်ရင် ငရုတ်သီးညှော်နံ့ပိုပြင်းသလို ငရုတ်သီးကျွမ်းသွားမှာလည်း စိုးရပါတယ်။ အခုနေမှ ထည့်လည်း ငရုတ်သီးက ကျက်ပါတယ်နော်။) ပြီးရင် မာလာဟင်းရယ်ဒီမိတ်အနှစ်ထုပ်ကိုထည့်ပြီး သမအောင်မွှေပေး၊ နောက်ဆုံးကတော့မှ နှမ်းကိုထည့်၊ အပေါ့အငံအတွက် ဆား၊ သကြား၊ ဟင်းခတ်မှုန့်တို့ကို ထည့်ပေး၊ ပြီးတော့ရင် နှမ်းဆီမွှေးလေးအုပ်ပြီး မီးဖိုပေါ်ကနေ ဟင်းအနှစ်အိုး ချလို့ရပါပြီနော်။ အဲ့ဒါဆိုရင်တော့ ဆီရွှဲရွှဲ၊ အရောင်ရဲရဲ၊ အနံ့ကတော့ မွှေးကြိုင်နေပြီး စပ်စပ်ဆိမ့်ဆိမ့်လေး အရသာရှိတဲ့ ဟင်းအနှစ်ရပါပြီ။ကော်မှုန့်ထမင်းစားဇွန်းတစ်ဇွန်းကို ရေလီတာဝက်ရယ်၊ ဆားလေး၊ အချိုမှုန့်လေးနည်းနည်းထည့်ပြီး ကျိုပေးထားပါ။ ကော်ရည်ခပ်ကျဲကျဲအတွက်ပေါ့နော်။ (တချို့ကတော့ မကြိုက်တတ်ပါဘူး။ မကြိုက်ရင် မထည့်ပါနဲ့နော်)
အသီးအရွက်တွေပြုတ်ဖို့ပဲ ကျန်ပါတော့တယ်။ အိုးတစ်လုံးထဲ ရေတ၀က်လောက်ထည့်၊ အဖုံးအုပ်၊ မီးဖိုပေါ်တင်ပြီး ရေနွေးအိုးဆူအောင်တည်ပါ။ ရေနွေးအိုးဆူပြီဆိုရင်တော့ အနူးကြာမယ့် အာလူး၊ မုန်လာဥနီ တို့ကို အရင်ထည့်ပြီး အဖုံးခဏအုပ်ပြီးတည်ထားပါတယ်။ ခဏနေလို့ ပွက်ပြီဆိုရင် မုန်ညင်းအရိုးပိုင်းတွေ၊ ကြာစွယ်တွေထည့်ပြုတ်၊ ပြီးရင် ကန်ဇွန်းရွက်၊ မုန်ညင်းရွက်စတာတွေကို ထည့်ပြုတ်ပြီး အရမ်းမနူးသွားခင်၊ အရွက်အရောင် ခပ်စိမ်းစိမ်းလေးတွေအချိန်မှာ ဇကာနဲ့ ဆယ်ယူပြီး၊ ရေခဲရေနဲ့ စိမ်ပေးပြီးတော့မှ ဇကာနဲ့ ရေစစ် ပေးလိုက်ပါနော်။ ရေခဲရေနဲ့ စိမ်လိုက်တဲ့အတွက် အရွက်အရောင်လည်း စိမ်းစိမ်းလေးတွေပဲ ဖြစ်နေစေတဲ့အပြင် အသီးအရွက်တွေက ကျွတ်ကျွတ်လေးနဲ့ စားလို့ပိုကောင်းပါတယ်နော်။
အားလုံးအသင့်ဖြစ်ပြီဆိုရင်တော့ ဟင်းနယ်ဖို့အတွက် ဇလုံကြီးကြီးတစ်လုံး ထဲကို အသီးအရွက်တွေရယ်၊ ခေါက်ဆွဲနဲ့ အခြား အဆာပလာတွေရယ်၊ ကော်ရည်လေးရယ်၊ ပြီးတော့ ဟင်းအနှစ်တွေထည့်ပြီး အားလုံးကို သမအောင် မွှေပါတယ်။ နယ်တဲ့အခါ ဟင်းရွက်တွေ ကြေမသွားရအောင် ညှပ်နဲ့နှံ့အောင်လုပ်ပေးပါနော်။ အရသာအပေါ့အငံကိုလည်း မြည်းပြီး လိုတဲ့အရသာကို ထပ်ဖြည့်ပါနော်။ အချဉ်အတွက်ကတော့ ကျွန်မက သံပုရာရည်ထည့်ပြီး တစ်ခါတည်း နယ်လိုက်ပါတယ်။ အဲ့ဒီလို မကြိုက်ကြဘူးဆိုရင်တော့ မန်ကျည်းနှစ်အချဉ် ခပ်စပ်စပ်လေးနဲ့ တွဲဖက်သုံးဆောင်နိုင်ပါတယ်နော်။ အဲ့ဒါဆိုရင်တော့ မာလာဟင်းရပါပြီနော်။
မလုလုချက်နည်းပါ။